வீரவணக்கம் மகளே!

வீர வணக்கம் மகளே!
நீ பிறந்த நாளில்....

நித்தம் நித்தம் நெஞ்சில் வருவாய்
சித்தம் கலங்கச் சிந்துவோம் கண்ணீர்
மெத்தப் படித்து மேல்நிலை யுற்றுநீ
நத்தும் இனத்தின் நலந்தனைக் காப்பாய்
என்றே இருந்தோம் எம்மறச் செல்வியே
கொன்றுனைத் தீர்த்தனர் கொடுமதி ஆள்வோர்
நின்று நிலவும் நின்புகழ் நிலத்தில்
வன்மம் தீர்ப்போம் வருநாளில்
உன்மனம் நினைத்ததை உறுதியாய் செய்தே!
- சுப முருகானந்தம்.
(நேரிசை ஆசிரியப்பா)