இனிமையைச் சேர்க்குமுன் நேசம்
கரும்பினை வெல்லுமுன் சொல்லும்
கலகல வென்றதே துள்ளும்
அரும்பிய மீசையும் காட்டும்
அகவையோ இருபதும் மூன்றும்
வருவதை எதிரவே தாக்கி
வாகைநீ சூடுக வென்றே!
கலங்கிய குட்டையின் நீரில்
கதிரவன் தெரிவது மில்லை
அழகிய வாழ்க்கையின் பாதை
ஆசையில் விளைவது மில்லை
அளவிலா அருளினால் பெய்யும்
அன்பினால் அகிலமும் தாங்கி
விளங்குக புகழெனும் குன்றின்
விளக்கெனத் தொண்டினால் வென்றே !!
No comments:
Post a Comment